Sóıtse, Tájikstan men О́zbekstannyń 54 azamaty bar avtobýs Petropavl qalasyna jete almaǵan kúıi orta jolda buzylǵan. Qańtardyń sarshunaq aıazynda jeńil kıingen sheteldik jolaýshylarǵa dereý kómek kórsetilip, jaqyn úılerge ornalastyrylǵan. Avtobýs tehnıkalyq jóndeý stansasyna jetkizilgen.
Aqqaıyń jáne Taıynsha aýdandarynyń tártip saqshylary da orta jolda buzylyp qalǵan «Scania» avtobýsyna jedel jetip, kómek qolyn usynǵan. Kólikte 15 adam, olardyń 8-i balalar bolǵan. Jolaýshylar Taıynsha kentinde qonaq úıge ornalastyrylyp, ystyq tamaqpen qamtamasyz etilgen.
Oblystyq jergilikti polısııa qyzmeti bastyǵynyń orynbasary Aıdyn Baımatovtyń aıtýynsha, úskirik sýyqtarda trassa boıynda táýlik boıy kezekshilik uıymdastyrylǵan. Alaıda eskertýlerge qaramastan jolaýshylardyń jeńil-jelpi kıimmen shyǵýy, al júrgizýshilerdiń qajetti kómek, medısınalyq qural-jabdyqtarmen shyqpaıtyny az kezdespeıdi.
О́mir ESQALI,
«Egemen Qazaqstan»
Soltústik Qazaqstan oblysy
